خوخان ائلنازی یئییر

ائلناز،میداد الینده، اغلاییردی.اناسی تیلویزیوندان ، اونا ساری اوزونو چئویریب

دئدی:

-نه اولوب گینه زیریرداییرسان؟زهریماریم اولدو بو فیلیم.

ائلناز دئدی:

-سولمازین دفتری نین کاغیذی قورتاریب ،مشق یازماغا باشقا دفتری یوخدور.

سونرا ائلناز باشین سوخدو چانتاسی نین ایچینه و زیر زیر اغلایا اغلایا

سولمازا دوشوندو.

اردینی اوخوماق اوچون ادامه مطلب اوزرینه کلیک ائدینیز

                          تئللی کبری نین دفترینی اختاریر

تئللی حوصله سیز میدادین الینده اوینادیردی.مشق یازماغا حالی یوخ ایدی .خانیم موعللیملری صاباحا خئیلک مشق دئمیشدی. انجاق تئللی بیر سطیر یازیب یازماییب یورولموشدو.تئللی میدادین اغزینا سالیب چئینه ییردی. بیر ده ن میداد قیشقیردی:

-واااااااای نه خبرین دی ای قیز؟به یه ناهار یئمه ییب سن بو جور منی اغزینا سالیب چئینه ییر سن؟

تئللی بو سسی ائشیدیب تئز میدادی اغزیندان چیخارتدی. گؤردو وای میدادین باشیندان اغ قان گلیر .تئز قاچیب بیر یارا چسبی گتیریب میدادین باشی نی اونلا سریدی .سونرا دئدی:

ـنه ائله ییم ؟نه ائله مه ییم؟کیمی اینجیدیم؟کیمی سره ییم؟کیمنن دانیشیم؟ هاردا اویناییم؟هارا گئدیم؟

بیر ده ن بیره کیتابین اراسیندان بیر قیز باشین قالخیزیب دئدی:

-گل منله اوینایاق

اردینی اوخوماق اوچون ادامه مطلب اوزرینه کلیک ائدینیز

                                  یازمادیغیم حیکایه لر یئرینه

یئنه گلیب چاتدی،جوم اخشامینی دئییرم.و یئنه سنسیز له میشم.پنجره اؤنونده دایانیب سنه دوشونورم.دوشوندوکجه داهی اوره ییم کووره لیر. سنی انماغا زور ائله ییرم.اولمور کی اولمور.یوخوما دا کی گلمیر سن بلکی اورادا سنی گوره م. اورادا سنی دویام، حیس ائله یم.اغلاییرام بو حسرته .او گون ده ائله اغلاییردیم.کوره ییم برک گؤینه ییردی.ائله بیل کیمسه کوره ییمه ایستی سو توکموشدو.اغلاماغیم توتموشدو انجاق نه تهر اولسایدی اؤزومو ساخلادیم.

اؤیکونون اردینی اوخوماق اوچون ادامه مطلب اوزرینه کلیک ائدینیز

                                            او،ائویمیزه گلن گون         

من لیلانین قوجاغیندا اوتورموشدوم،یوخوم گلیردی ایستیردیم ائله اورادا اوزانیب یاتام. قارشیمدا او، اوتورموشدو. اغ گوللو چرشاب باشیندا،قارا گؤزلرینی منه دیکمیشدی.یانیندا نئچه ارواد دا اوتورموشدولار.ننه ده اوتاغین باشیندا بیر قوجا اروادلا دانیشیردی.قوناقلارین بیر چوخو گئتمیشدی.یوخو باشیمدان قاچسین دییه لیلانین قوجاغیندان ائنیب، اوتاقدان ائشیگه چیخدیم.ارا کسمه میز بیر از سایخینلاشمیشدی.بی بیم مطبخده چای توکوردو. زهرا ایله صوغرا_عمیم قیزلاری_ ارا کسمه نین بیر بوجاغیندا یاتمیشدیلار.عمیم اروادی بیر یورقان الینده ،دام یولودان چیخیب گلدی اونلارین اوستونه یورقان چکدی.حوصله ده ن گئتدیم قاییتدیم قوناق اوتاغینا،لیلانین یانیندا اوتوردوم.یئنه ائله او، اغ گوللو چرشاب باشیندا، قارا گؤزلری ایله منه باخیردی.ائویمیزه گلن گونده ائله اغ چرشاب اورتموشدو.

اؤیکونون اردینی اوخوماق اوچون ادامه مطلب اوزرینه کلیک ائدینیز، لوطفن

                                  باجینین ادینی قویدوم اؤزومه

قورخا قورخا یان یوراما باخدیم .کیمسه کوچه ده یوخ ایدی .ارخایین اولدوقجا کوچه یه گیردیم .تابلو مطببین سول دونوش ده اولدوغونو گؤستریردی. بویانا دوندوکجه کوچه قاپالانیردی.اوره ییم از قالیردی یئرینده ن قوپا.قاپی یاریم اچیق ایدی.زنگی چالمادان حیطه گیردیم.ایچه ری ده اغ داشلی ایکی قات بیر بینا وار ایدی کیمسه حیط ده یوخ ایدی سس سیزلییینده ن قورخدوم حیطین ساغ یونونده یام یاشیل بیر باغچا گؤرونوردو قوخوسو حیطی ساریمیشدی. بیر از ایره لی گئتدیم بیر ان بینانین اشاغی قاتیندا اولان بیر قاراژین قاپی سینین اوستونه یاپیشدیریلمیش بیر یازییا گؤزوم ساتاشدی

"ایچه ری گیرمه ده ن زنگی چالین لوطفن"

قاییدیب حیط ده ن ائشیگه چیخدیم زنگلرین هر ایکی سینی چالدیم کیمسه سس وئرمه دی. یئنه چالدیم

اؤیکونون اردینی اوخوماق اوچون ادامه مطلب اوزرینه کلیک ائدینیز

                            رویا

کیوسکون­ اؤنونده ­ن ­کئچرکن عادتا دایانیب ؛­قزئتلره ­اؤتری ­باخدی.بیر ان، گؤزو ،قزئتلرین بیرینده اولان بیلدیریشه ­ساتاشدی. ­دایانیب؛   صحیفه ده ­کی ­اولان ­بیلدیریشی ­ارا سیرا اوخودو .نئچه گونده ن ارتیق واخت قا لما میشدی. ­گؤزو صحیفه ­ده ­ایکن فیکره ­دالدی .­نه ­ائده جه ­یینی ­بیلمیردی. ­

"یئددی­ مین سکگیزیوزتومن، ­هله ­بویالنیزانکئت فورماسینین پاراسی دیر.شکیل ­چکدیرمک وبیر سیرا باشقالازیم ­اولان ­شیلری ­ده­ سایا سالسام،­ اون­ مین ­تومنه ­قالخیر"دئدی

                           ال لریم هله ده گؤینه ییردی

ال لریم یئنه ده کیریمیش، نه تهر املانی یازاجاغام من کی الجک ال لریمده

بیلمیرم نییه اللریم اوشویور.                                          

الجکلریمی چیخارتدیم ال لریمی گونشه ساری توتدوم اولا بیلسین

قیزیشسین خانیم دئییرنه زامان ال لریم دونماسا سن گله جکسن اه بوقیش

نه اوزون سوردو بو ایل ائله اونا گورا سن گئجیکمیشسن

قیزیم گل ایچه ری گئدخ پیشدا اللرویی قیزیشدیر

گؤیچک ننه ایدی الینده اچار قاپینی اچیردی

اوشاقلار اونو گؤرجه یین هامیسی قاپی یا ساری قاچدیلارسویوق دان

قورتارماغا ایچه ری کئچمه یه بیربیری نین باشینا دیرماشیردیلار

بوابل قیشین سویوغی هامینین امانین کسیب باهار گلسئی دییا بیر از

جانیمیز قیزیشاردی

گؤیچک ننه اؤزاؤزونه دانیشیردی هر زامان اونو گؤرنده اؤزاؤزونه میزیلداییردی

بعضاده دیل التی بیر شئیلر اوخویاردی اونلار دان کی انام خالچا توخودوغو

چاغلار اوخویاردی یالنیزایله نجه چاغلاری اوشاقلارین الینده ن باشی

قاریشیق اولدوغوندان دانیشما­زدی بیر شی ده سوروشسا­­­­یدین های

کویده­ن ائشیتمزدی

چانتامی ماسامین اوستونه اتیب پیچا ساری قاچدیم مرضیه ایله ائلناز دا

اوردایدیلارائلناز یئنی بیر قیرمیزی بؤرک باشینا قویموشدو

اتام دونن بازاردان الیب دئدی......

یازینین اردینی اوخوماق اوچون ادامه مطلب اوزرینه کلیک ائدینیز

 اوشاغیمی قارنیندا بوغوب

ائلیمین مظلوم قادینلارینا

یانیندا اوتوران اروادلارین بیری قیرمیزی چارقاتی نین اوجویلا تئز تئز گؤز یاشلارینی سیلیردی، بیری ایسه حیرصله الینده اولان کاغیذی اچیب بورکله ییردی .ساری یایلیغینی برکیدیب بیر از یان با یان اولدو .الینی قارنینین اوستونه قویدو کئشگه ایندی بیر از ترپنه پیچیلدادی .

قیزین دیر؟ خسته لرین بیری سوردو. ارواد، یوخ گلنیم دیر دییه یاشماغی نی بیر از اشاغی چکدی. نه یی دیر؟ همن قادین سوردو.  سانکی ارواد بئله بیر فورصتی اختاریردی اغزینی اچیب گؤزونو یومدو: نه یی اولاجاق منی ده بالامی دا قارا گونه قویوب اوشاغیمی قارنیندابوغوب.بوشاتدیراجاغام...........

قاپی اغزیندا اوتوران خسته لرین بیریسی نه تهر بوغموش؟ الینن؟دییه گولدو.ائوده چوخ ایشله تمه میشسن کی؟ بیر گنج قادین سوردو .ارواد      به ائوین ایشی اولاردای، اون بیر باش کیفلتیک به گلین ایشله مه سه      من ایشله یه جه یم دییه دوردو پئچا ساری گئتدی. ایاقچی ننه گره ک    سن اؤزون اوندان موغایت اولوردون او هله اؤزو اوشاقدی نه تهر اوشاق دوغاجاق دییه خسته لرین بیریسی نین ادینی اوخودو:خانم غریبی بویورون ارواد داهی چوخ اوفکه له نیب دئدی :هاراسی اوشاقدی اون التی یاشی وار من او یاشدا اولاندا ایکی اوشاق دوغموشدوم، اره گئتمه یی باجاریر اوشاق دوغماغی یوخ.قیرمیزی چارقاتلی ارواد دینمز سؤیله مز قیزین یانینداهله سسسیز جه سینه اغلاییردی.ایاقچی اونا ساری اوزونو توتوب سیزین نوبانیزدیر دئدی. ارواد قیزین الینده ن یاپیشیب قالخیزدی یاواش یاواش یئری ننون اؤلسون بالا دییه رکن ایچری کئچدیلر

یالان گوناه دئییلدی

گولوشونون انلامی ایدی

                           او گئجه

و ساتقین سئوگین

اوسانمیش اوره یینده ن

گؤزلرینه بارینمیشدی

و الدانیش ساده جه

اؤگئی باخیشلارینین دوغما سؤیله ییشی ایدی

                                                         اوره ییمه

اوره ییم،اه منیم یئتیم قالمیش اوره ییم

پارام پارچالانمیش بیر لاله

فصیللر کئچیدینده ن

توزاناقلی گونلر یاشاییر

Yalan gunah dəyildi

Gülüşünün anlami idi

                            o gecə

Və satqın sevgin

Usanmış ürəyindən

Gözlərinə barınmışdı

Və aldanış sadəcə

Ögey baxışlarının doğma söyləyişi idi

                                                ürəyimə

Ürəyim , ah mənim yetim qalmış ürəyim

param parçalanmış bir lalə

Fəsillər keçidin dən

Tozanaqlı günlər yaşayır

اللرین قار چیچه یی،

                            قوخویورسان گیزلین دردلری

سکی لر سنی یاخشی تانئییر و بیر ده یامان گونلر

حایاتی هؤججه له مه دن اوخویاسی اولموشسان

انجاق اؤز یازین اوخونمادان پوزولموش

خییاواندا طالعی ساتان اوشاق،                                                    

                                     اردیمجا قاچما، یالوارما

                                    منیمده طالعیم سنه سایاق سولموش       

بالاجا اووجلاریندا گزیریرسن یاشامایان ارزیلاری

اوره یینده بوغولموش سؤزلر ،

                                      باغیریر گؤزلرینده ن 

و بیر ده ایستی چؤره یه تامارزی قالمیش بوش قارنین

تامسیلاییرسان حایاتین اجی دادینی

سیزیر سطیرلریمه سونسوز اغریلارین

قلمیم سوسور عدالت سوزجویونو

ارتیق یازانمیر قارداشلیغی

Əllərin qar çiçəyi,

                                    Qoxuyursan gizlin dərdləri

Səkilər səni yaxşı taneyır və birdə yaman günlər

Hayatı höccələmədən oxuyası olmuşsan

Ancaq öz  yazın oxunmadan pozulmuş

Xiyavanda talei satan uşaq,

                                     Ardımca qaçma , yalvarma

                                      Mənimdə taleim sənə sayaq solmuş

Balaca avuclarında gəzirirsən yaşamayan arzıları

Ürəyində boğulmuş sözlər

                                       Bağırır gözlərindən

Və birdə isti çörəyə tamarzı qalmış boş qarnın

Tamsılayırsan hayatın acı dadını

Sızır sətirlərimə sonsuz ağrıların

Qələmim susur ədalət sözlüyünü

Artıq yazanmır qardaşlığı